ഗോൾഫ് ക്ളബിൽ അസസ്‌മെന്റ് ക്യാമ്പ്

കവടിയാർ സായ് നാഷണൽ ഗോൾഫ് അക്കാഡമിയിൽ ഡൽഹിയിൽ നിന്നുള്ള വിദഗ്ദ്ധ ഗോൾഫ് പരിശീലകൻ അർജുന അവാർഡ് ജേതാവ് അലി ഷെറിന്റെ നേതൃത്വത്തിലുള്ള അസസ്മെന്റ് ക്യാമ്പ് നടന്നു. എൽ.എൻ.സി.പി.ഇ പ്രിൻസിപ്പലും റീജിയണൽ ഹെഡുമായ ഡോ. ജി. കിഷോർ അധ്യക്ഷനായ ചടങ്ങിൽ ഗവർണറുടെ അഡീഷണൽ ചീഫ് സെക്രട്ടറി ഡോ. ദേവേന്ദ്ര കുമാർ ധോദാവത് ക്യാമ്പ് ഉദ്ഘാടനം ചെയ്തു. ഗോൾഫ് ക്ലബ് സെക്രട്ടറി ലെഫ്. കേണൽ അനിൽ കുമാർ ബി.കെ, ക്ലബ് ക്യാപ്ടൻ ജയചന്ദ്രൻ,സായ് ഡയറക്ടർ എൻ.എസ്. രവി എന്നിവർ പങ്കെടുത്തു. നാൽപ്പതോളം കുട്ടികളാണ് ഒരാഴ്ച നീണ്ടുനിന്ന അസസ്മെന്റ് ക്യാമ്പിൽ പങ്കെടുത്തത്.

     സായി എൽ.എൻ.സി.പി.ഇയിൽ നടന്ന സമാപനച്ചടങ്ങിൽ അഡീഷണൽ ചീഫ് സെക്രട്ടറി  കെ. ആർ. ജ്യോതിലാൽ  മുഖ്യാതിഥിയായിരുന്നു.  ജി.കിഷോർ, എൻ.എസ്. രവി, അനിൽ കുമാർ ബി.കെ,ട്രിവാൻഡ്രം ഗോൾഫ് ക്ലബ്ബിന്റെ മുൻ ക്യാപ്ടൻ  ജോൺ തോമസ്,  ഡോ. പ്രദീപ് ദത്ത . സുഭാഷ് ജോർജ് തുടങ്ങിയവർ പങ്കെടുത്തു.