ചെന്നൈയിൽ നടന്ന ദേശീയ സബ് ജൂനിയർ നെറ്റ്ബാൾ ചാമ്പ്യൻഷിപ്പിൽ കേരളത്തിന് ആൺകുട്ടികളുടെ വിഭാഗത്തിൽ വെള്ളിയും പെൺകുട്ടികളുടെ വിഭാഗത്തിൽ വെങ്കലവും ലഭിച്ചു. ആൺകുട്ടികളുടെ വിഭാഗം ഫൈനലിൽ കേരളം തമിഴ്നാടിനോട് 18-19 എന്ന സ്‌കോറിന് പരാജയപ്പെട്ടു. സെമിയിൽ കരുത്തരായ ഹരിയാനയെ 20-18 എന്ന സ്‌കോറിന് പരാജയപ്പെടുത്തിയാണ് ആൺകുട്ടികൾ ഫൈനലിന് യോഗ്യത നേടിയത്. വെങ്കലമെഡലിനുള്ള പെൺകുട്ടികളുടെ മത്സരത്തിൽ കേരളം ഹരിയാനയെ പരാജയപ്പെടുത്തി. 25-23 എന്ന സ്‌കോറിനായിരുന്നു ജയം.