കേരള യൂണിവേഴ്സിറ്റി അത്‌ലറ്റിക് മീറ്ററിൽ ഓവറാൾ ചാമ്പ്യന്മാരായി കാര്യവട്ടം എൽ.എൻ.സി.പി.ഇ. മൂന്നുദിവസമായി നടന്ന മീറ്റിൽ 169 പോയിന്റ് നേടിയാണ് എൽ.എൻ.സി.പി.ഇ ജേതാക്കളായത്. 160 പോയിന്റ് നേടിയ കൊല്ലം കരിക്കോട് ടി.കെ.എം ആർട്സ് ആൻഡ് സയൻസ് കോളേജ് റണ്ണേഴ്സ് അപ്പായി. 160 പോയിന്റ് നേടിയ ടി.കെ.എം പുരുഷ വിഭാഗത്തിലെ ചാമ്പ്യൻഷിപ്പും സ്വന്തമാക്കി. മീറ്റിന്റെ ചരിത്രത്തിൽ ആദ്യമായാണ് ടി.കെ.എം റണ്ണേഴ്സ് അപ്പാകുന്നതും പുരുഷ ചാമ്പ്യന്മാരാകുന്നതും. വനിതാ വിഭാഗത്തിലെ മൂന്നാം സ്ഥാനവും ടി.കെ.എമ്മിന് ലഭിച്ചു. എൽ.എൻ.സി.പി.ഇയാണ് വനിതാ വിഭാഗത്തിലെ ഒന്നാം സ്ഥാനക്കാർ. അഞ്ചൽ സെന്റ്.ജോൺസ് കോളേജ് വനിതാ വിഭാഗത്തിൽ രണ്ടാമതെത്തി. തിരുവനന്തപുരം യൂണിവേഴ്സിറ്റി കോളേജാണ് ഓവറാൾ പോയിന്റ് നിലയിൽ മൂന്നാമതെത്തിയത്.