സൗത്ത് സോണ്‍ ഇന്റര്‍യൂണി. പുരുഷ ടെന്നീസ് : വെല്‍സ് ഇന്‍സ്റ്റിറ്റ്യൂട്ട് ചാമ്പ്യന്‍മാര്‍
കേരള സര്‍വകലാശാലയുടെ ആഭിമുഖ്യത്തില്‍ തിരുവനന്തപുരം ടെന്നീസ് ക്ലബില്‍ സംഘടിപ്പിച്ച ദക്ഷിണ മേഖലാ ഇന്റര്‍ സര്‍വകലാശാല ടെന്നീസ് പുരുഷ ടൂര്‍ണമെന്റില്‍ ചെന്നൈയില വെല്‍സ് ഇന്‍സ്റ്റിറ്റ്യൂട്ട് ഓഫ് സയന്‍സ് ടെക്‌നോളജി ആന്‍ഡ് അഡ്വാന്‍സ്ഡ് സ്റ്റഡീസ് ചാമ്പ്യന്‍മാരായി. ഫൈനലില്‍ അവര്‍ കോയമ്പത്തൂര്‍ ഭാരതിയാര്‍ സര്‍വകലാശാലയെ 2-1 തോല്‍പ്പിച്ചു. വെല്‍സിന് വേണ്ടി പ്രണവ് കാര്‍ത്തിക്, കീര്‍ത്തി വസന്ത് എന്നിവരാണ് കളത്തിലിറങ്ങിയത്. സമാപനച്ചടങ്ങില്‍ വേള്‍ഡ് യൂണിവേഴ്‌സിറ്റി മീറ്റില്‍ പങ്കെടുത്ത കേരള യൂണിവേഴ്‌സിറ്റി താരങ്ങള്‍ക്ക് ക്യാഷ് അവാര്‍ഡ് സമ്മാനിച്ചു.
