പത്താമത്  കേരള ഹോക്കി സബ് ജൂനിയർ മെൻ സ്റ്റേറ്റ് ചാമ്പ്യൻഷിപ്പിൽ സായ് കൊല്ലത്തിന് കിരീടം. കൊല്ലം ഹോക്കി സ്റ്റേഡിയത്തിൽ നടന്ന ചാമ്പ്യൻഷിപ്പിന്റെ ഫൈനലിൽ ജി.വി രാജയെ 7-2 എന്ന സ്കോറിൽ തോല്പിച്ചാണ് സായ് ടീം കിരീടം നേടിയത് .   

   ലൂസേഴ്‌സ്  ഫൈനലിൽ മലപ്പുറത്തെ പെനാൽറ്റി ഷൂട്ട് ഔട്ടിൽ പരാജയപ്പെടുത്തി എറണാകുളം  മൂന്നാം സ്ഥാനം കരസ്ഥമാക്കി. സെമി ഫൈനലിൽ സായി കൊല്ലം മലപ്പുറത്തെയും ജി.വി രാജാ എറണാകുളത്തേയുമാണ്  പരാജയപ്പെടുത്തിയത്.

ജി.വി രാജയുടെ വിഷ്ണു പ്രവീൺ മികച്ച ഗോൾ കീപ്പറായും സായ് കൊല്ലത്തിൻറെ രോഹിത് ബസ്‌ല മികച്ച പ്രതിരോധ താരമായും തിരഞ്ഞെടുക്കപ്പെട്ടു . മികച്ച മധ്യ നിര താരമായി ആദിത്യൻ ആദിത്യൻ കെ എസ്സും (ജി.വി രാജ) ഭാവിയുടെ താരമായി തിരുവനന്തപുരത്തിന്റെ നിഥിനും തിരഞ്ഞെടുക്കപെട്ടു . മികച്ച മുന്നേറ്റ നിരക്കാരനുള്ള പുരസ്കാരം ജി.വി രാജയുടെ നദീം  കെ.എൻ നേടി. വിജയികൾക്കുള്ള പുരസ്കാരം കേരള ഹോക്കി ജനറൽ സെക്രട്ടറി സി ടി സോജി മറ്റു കേരള ഹോക്കി പ്രതിനിധികളുടെ സാന്നിധ്യത്തിൽ വിതരണം ചെയ്തു .