തിരുവനന്തപുരത്ത് നടന്ന മാസ്റ്റേഴ്സ് അത്‌ലറ്റിക്സ് ചാമ്പ്യൻഷിപ്പിൽ കേരളം റണ്ണേഴ്‌സപ്പായി. പുരുഷ, വനിത ഇനങ്ങളിലും കേരളം രണ്ടാം സ്ഥാനത്ത് ഫിനിഷ് ചെയ്തു. തമിഴ്നാടാണ് എല്ലാ ഇനങ്ങളിലും ചമ്പ്യന്മാർ. ദേശീയ പ്രസിഡന്റ് ധരം വീർ ധില്ലൻ പതാക ഉയർത്തി. മാർച്ച്‌ പാസ്‌റ്റോടെ ആരംഭിച്ച ഉദ്ഘാടന ചടങ്ങ് ലോക മാസ്റ്റേഴ്സ് അത്‌ലറ്റിക്സ് അസോസിയേഷൻ പ്രസിഡന്റ് സ്റ്റാൻസ് പെർക്കിൻസ് ഉദ്ഘാടനം ചെയ്തു. മുതിർന്ന വരുടെ ആരോഗ്യം സംരക്ഷിക്കുന്നതിനും ജീവിത ശൈലീ രോഗങ്ങൾ ഇല്ലാതാക്കുന്നതിനും ഇത്തരത്തിലുള്ള മത്സരങ്ങൾക്ക് വളരെ പ്രാധാന്യം ഉണ്ടെന്നു അദ്ദേഹം പറഞ്ഞു. ദേശീയ പ്രസിഡന്റ് ധരം വീർ ധില്ലൻ അദ്ധ്യക്ഷത വഹിച്ചു.
മാസ്റ്റേഴ്സ് ഫെഡറേഷൻ ദേശീയ സെക്രട്ടറി ഡേവിഡ് പ്രേംനാഥ്‌, സംസ്ഥാന സ്പോർട്സ് കൗൺസിൽ പ്രസിഡന്റ് യു. ഷറഫലി, മാസ്റ്റേഴ്സ് സ്റ്റേറ്റ് പ്രസിഡന്റ് എം.എസ് ജോസഫ്, സെക്രട്ടറി ചന്ദ്രബാബു, കൺവീനർ അഡ്വ. ശൂരനാട് ചന്ദ്രശേഖരൻ, തുടങ്ങിയവർ പ്രസംഗിച്ചു.

         വിവിധ സംസ്ഥാനങ്ങളിൽ നിന്നായി 3000ത്തോളം അത്‌ലറ്റുകൾ പങ്കെടുത്തു. സമാപന ചടങ്ങ്  മുൻ കായകമന്ത്രിയും മുൻ സ്പീക്കറുമായ  എം.വിജയകുമാർ ഉദ്‌ഘാടനം ചെയ്തു.  ധരം വീർ ധില്ലൻ അദ്ധ്യക്ഷത വഹിച്ചു. തിിരുവനന്തപുരം കോർപ്പറേഷൻ മേയർ വി.വി രാജേഷ്, ഡെപ്യൂട്ടി മേയർ ആശാനാഥ്, എ. സമ്പത്ത്, വേൾഡ് പ്രസിഡന്റ് സ്റ്റാൻ പെർക്കിൻസ്,ദേശീയ സെക്രട്ടറി ഡേവിഡ് പ്രേംനാഥ്‌, എന്നിവർ ട്രോഫികളും മെഡലുകളും വിതരണം ചെയ്തു.സംസ്ഥാന പ്രസിഡന്റ് എം.എസ് ജോസഫ്, സെക്രട്ടറി ചന്ദ്ര ബാബു, കൺവീനർ അഡ്വ. ശൂരനാട് ചന്ദ്രശേഖരൻ, ഡോ രാജീവൻ തുടങ്ങിയവർ സംസാരിച്ചു.