ഒഡിഷയിൽ നടന്ന ദേശീയ ജൂനിയർ അത്‌ലറ്റിക് മീറ്റിൽ കേരളത്തിന്റെ അനാമിക അജേഷ് അണ്ടർ 16 പെൺകുട്ടികളുടെ പെന്റാത്‌ലണിൽ സ്വർണം നേടി.4096 പോയിന്റാണ് അനാമിക നേടിയത്. തമിഴ്നാടിന്റെ പ്രേമയ്ക്കാണ് വെള്ളി. അണ്ടർ 16 പെൺകുട്ടികളുടെ 60 മീറ്ററിൽ ജിൽഷ ജിനിൽ സ്വർണം നേടി.  7.81 സെക്കൻഡിലാണ് ജിൽഷ ഫിനിഷ് ചെയ്തത്. അണ്ടർ 20 പെൺകുട്ടികളുടെ ഷോട്ട്പുട്ടിൽ അനുപ്രിയ വി.എസ് വെള്ളിയും അണ്ടർ 18 പെൺകുട്ടികളുടെ ലോംഗ്ജമ്പിൽ അനന്യ. എസ് വെങ്കലവും നേടി. അണ്ടർ 16 പെൺകുട്ടികളിൽ  ഏറ്റവും  മികച്ച താരമായും ജിൽഷ തിരഞ്ഞെടുക്കപ്പെട്ടു.