ഫെൻസിംഗ് അസോസിയേഷൻ ഓഫ് ഇന്ത്യ (എഫ്‌എഐ)യുടെ ആഭിമുഖ്യത്തിൽ നാസിക്കിലെ മീനതായ് തക്കറെ സ്റ്റേഡിയത്തിലെ ഡിവിഷണൽ സ്പോർട്സ് കോംപ്ലക്സിൽ നടന്ന 13ാമത് ദേശീയ ഫെൻസിംഗ് ചാമ്പ്യൻഷിപ്പിൽ കേരളത്തിന് മികച്ച നേട്ടം. കേരള പൊലീസ് ഫെൻസിംഗ്  അക്കാഡമിയിലെ വിദ്യാർഥികളാണു മികച്ച നേട്ടം കൊയ്തത്. 10 വയസിന് താഴെയുള്ള പെൺകുട്ടികളുടെ വിഭാഗത്തിൽ നിർണയ ഇഗ്നേഷ്യസ് വെങ്കല മെഡലും 12 വയസിന് താഴെയുള്ള പെൺകുട്ടികളുടെ വിഭാഗത്തിൽ സ്വരാലി സിൽവർ മെഡലും12 വയസിന് താഴെയുള്ള ആൺകുട്ടികളുടെ വിഭാഗത്തിൽ നോഹ എൽദോസ് വെങ്കലവും 10 വയസിന് താഴെയുള്ള ആൺകുട്ടികളുടെ വിഭാഗത്തിൽ  വിതാൽ വെങ്കലവും നേടി കേരളത്തിന് അഭിമാനമായി. കേരള പൊലീസ് ഫെൻസിംഗ് അക്കാഡമി കോച്ചും മാനെജറും കോമൺവെൽത്ത് ഗെയിംസ് സീനിയർ ഫെൻസിംഗ് ചാമ്പ്യൻഷിപ്പിലെ ജേതാവുമായ ജ്യോത്സന ക്രിസ്റ്റി ജോസാണ് കുട്ടികളെ പരിശീലിപ്പിച്ചത്.