തിരുവനന്തപുരം: ഖേലോ ഇന്ത്യ വിമെന്‍ റഗ്ബി സബ് ജൂനിയര്‍, ജൂനിയര്‍, സീനിയര്‍ മത്സരങ്ങള്‍ കാര്യവട്ടം എല്‍.എന്‍.സി.പി.ഇയില്‍ നടന്നു. സീനിയര്‍ ഫൈനലില്‍ എതിരില്ലാത്ത 15 ഗോളിന് കേരള വൂള്‍ഫ്പാക്കിനെ തോല്‍പ്പിച്ച് ആസ്ട്രാ റഗ്ബി ക്ലബ് ചാമ്പ്യന്‍മാരായി. കൊല്ലത്തെ 10-0ത്തിന് പരാജയപ്പെടുത്തി ആലപ്പി റഗ്ബി ക്ലബ് മൂന്നാം സ്ഥാനം സ്വന്തമാക്കി.
ജൂനിയര്‍ വിഭാഗം ഫൈനലില്‍ കൊച്ചിയെ എതിരില്ലാത്ത 25 ഗോളിന് പരാജയപ്പെടുത്തി ചക്കാലക്കല്‍ സ്‌പോര്‍ട്‌സ് അക്കാദമി ചാമ്പ്യന്‍മാരായി. മൂന്നാം സ്ഥാനത്തിനുള്ള മത്സരത്തില്‍ അഞ്ചിനെതിരെ പത്ത് ഗോളുകള്‍ക്ക് നെടുമങ്ങാട് കോളേജ് ആസ്ട്ര റഗ്ബി ക്ലബിനെ തോല്‍പ്പിച്ചു. സബ് ജൂനിയര്‍ വിഭാഗത്തില്‍ എതിരില്ലാത്ത അഞ്ച് ഗോളിന് അത്ലറ്റിക് ക്ലബ് ബ്രൈറ്റ് ഫ്യൂച്ചര്‍ അക്കാദമിയെ തോല്‍പ്പിച്ചു. മൂന്നാം സ്ഥാനത്തിനുള്ള മത്സരത്തില്‍ ചക്കാലക്കല്‍ സ്‌പോര്‍ട്‌സ് അക്കാദമി എതിരില്ലാത്ത അഞ്ച് ഗോളിന് ആസ്ട്ര റഗ്ബി ക്ലബിനെ തോല്‍പ്പിച്ചു.