26-ാമത് കേരളസംസ്ഥാന സബ് ജൂനിയർ കിഡീസ്സ് തായ്കോൺഡോ ചാമ്പ്യൻഷിപ്പിൻ്റെ ഉദ്ഘാടനം കാഞ്ഞങ്ങാട് നഗരസഭ ചെയർ പേർസൺ ശ്രീമതി കെ.വി സുജാത നിർവ്വഹിച്ചു. തായ്ക്കോൺഡോ അസോസിയേഷൻ ഓഫ് കേരള യുടെ പ്രസിഡണ്ട്, ഡോ. കെ വാസുകി IAS അദ്ധ്യക്ഷത വഹിച്ച ചടങ്ങിൽ തായ്കോൺഡോ അസോസിയേഷൻ ഓഫ് കേരള യുടെ ജനറൽ സെക്രട്ടറി, മാസ്റ്റർ രതീഷ് വി ആമുഖ പ്രഭാഷണവും നടത്തി. ചാമ്പ്യൻഷിപ്പിൻ്റെ ജനറൽ കൺവീനർ വിജയകൃഷ്‌ണൻ കെ സ്വാഗതം പറഞ്ഞു. കാഞ്ഞങ്ങാട് ദുർഗ്ഗ ഹയർ സെക്കണ്ടറി സ്‌കൂളിൽ 2 ദിവസങ്ങളിലായാണ് ചാമ്പ്യൻഷിപ്പ് നടക്കുന്നത്. തയ്ക്കോൺഡോ അസോസിയേഷൻ ഓഫ് കേരള (TAKE) യുടേയും, കേരള സ്റ്റേറ്റ് സ്പോർട്സ് കൗൺസിലിന്റെയും അംഗീ - കാരത്തോടെ കേരളത്തിലെ 14 ജില്ലകളിൽ നിന്നും 650 ഓളം കായിക താരങ്ങളാണ് ചാമ്പ്യൻഷിപ്പിൽ പങ്കെടുക്കുന്നത്.